Поаѓање од паркингот на Хотел Русија во Скопје околу 16:00 часот.

Следува ноќно патување кон Турција, со попатни паузи и царински формалности.

За време на патувањето следува презентација на програмата и информации за начинот на нејзината реализација.

Туристичките придружници се обучени и искусни во спроведување на протоколот за безбедност за време на патувањето.

Седиштата во автобусот се нумерираат според хронологијата на извршените уплати.

Доколку патникот има посебно барање за конкретно седиште, истото се доплаќа во агенција.

Ноќно возење.

Пристигнување на групата во Истанбул.

Групата се упатува кон хотелот заедно со својот багаж, кој се остава во просторија предвидена за чување багаж.

Check-in во хотелот е после 14:00 часот.

Туристичкиот придружник е задолжен за комуникацијата со рецепцијата, а клучевите од собите се распределуваат според списокот на уплати во агенцијата.

Историски Истанбул

По пристигнувањето, групата заедно со туристичкиот придружник започнува со пешачка тура.

Во рамките на турата се предвидени:

• Капали Чаршија
• Аја Софија
• Сината џамија

Влегувањето во џамиите е индивидуално.

Балат

Продолжуваме кон Балат, една од познатите христијански населби во Истанбул.

Во населбата се наоѓаат бројни цркви, меѓу кои и Железната црква, поврзана со историјата на македонските мајстори.

Во овој дел е поврзан и споменот на Партениј Зографски.

По посетата следува околу час и половина слободно време за прошетка низ познатите шарени историски улички.

Таксим и Истиклал

Турата продолжува кон областа Таксим, еден од главните центри на современ Истанбул.

Покрај плоштадот поминува познатата улица Истиклал, по која се движи карактеристичниот историски трамвај.

Истиклал е позната по бројните кафулиња, ресторани, продавници и места за забава.

Ноќевање.

Појадок во хотел.

По појадокот започнува ден исполнет со можност за дополнително запознавање на Истанбул.

Крстарење по Босфор

Предвидено е 90-минутно крстарење по Босфор.

Можност да го доживеете Истанбул од сосема поинаква перспектива – луксузни вили, историски знаменитости, познати локации од турските серии и прекрасната панорама на градот.

Бејлербеи

Посета на Бејлербеи, историска знаменитост која претставува интересен спој на традиционални турски и западни архитектонски влијанија.

Се наоѓа во непосредна близина на Босфорскиот мост, на азиската страна на градот.

Палатата Ќучуксу

Ќучуксу е летна палата која ја користеле османлиските султани за кратки престои и за време на лов.

Се наоѓа во населбата Ќучуксу, во областа Бејкоз, на азискиот брег на Босфор.

Палатата е дизајнирана од Никогос Балјан и е завршена во 1857 година.

Објектот има два главни ката и подрум, а од 1944 година е отворен за јавноста како музеј.

Кадиќој

Продолжуваме кон Кадиќој, еден од најпознатите и најживописните квартови на азиската страна на Истанбул.

Квартот е познат по шарените улици, раздвижените пазари, кафулињата, продавниците и локалната гастрономија.

Можност да уживате во традиционални баклави, десерти или турско кафе.

Чамлиџа џамија

Денот го завршуваме со посета на Чамлиџа џамијата, една од најголемите и највпечатливите џамии во Истанбул.

Пауза за уживање и фотографирање.

Враќање кон хотелот. Ноќевање.

Појадок во хотел и одјавување.

KOSKA

Следува посета на познатата продавница за традиционални слатки KOSKA.

Можност за купување локум, баклава, чоколадирани ф'стаци, лешници, бадеми и други традиционални турски производи.

Outlet 212

Потоа се упатуваме на шопинг во Outlet 212.

Предвидени се околу 2,5 до 3 часа слободно време за шопинг.

По завршувањето на слободното време следува поаѓање кон Македонија.

Пристигнување во Македонија во раните утрински часови.