Поаѓање од паркингот на Хотел Русија околу 16:00 часот од Скопје.

Попатни застанувања за качување на патници, по што следува ноќно возење со попатни паузи и царински формалности.

За време на патувањето следува презентација на програмата и информации за начинот на реализација на патувањето.

Туристичките придружници се обучени и искусни во спроведување на протоколот за безбедност при патувањето.

Ноќно возење.

Пристигнување на групата во Истанбул.

Групата се упатува кон хотелот со својот багаж, кој се остава во просторија предвидена за чување багаж.

Туристичкиот придружник е задолжен за комуникацијата со рецепцијата и распределбата на клучевите од хотелските соби.

Капали Чаршија

По пристигнувањето, околу 10:00 часот, патниците се упатуваат на пешачка тура до Капали Чаршија, Сината џамија и Аја Софија.

Групата заедно со туристичкиот придружник се упатува до влезот на Капали Чаршија, по што следува слободно време за индивидуално разгледување и пазарење.

Враќањето кон хотелот е индивидуално.

Капали Чаршија е еден од најголемите покриени пазари, со повеќе од 3.000 продавници.

Се наоѓа во стариот дел на Истанбул, во населбата Фатих.

Аја Софија

Следува посета на просторот околу Аја Софија.

Влегувањето во објектот е индивидуално, поради големиот број посетители и долгото време на чекање.

Аја Софија претставува една од најпознатите историски градби во Истанбул и во својата историја поминала низ повеќе трансформации – од црква, во џамија, музеј и повторно џамија.

Во договорено време враќање во хотел.

Слободно време за одмор и подготовка за новогодишната прослава.

Новогодишен дочек на Босфор

Можност за факултативен новогодишен дочек на приватен брод на Босфор, организиран за гостите на Атлантис.

Појадок во хотел.

Слободно време.

Во 12:00 часот започнува реализацијата на факултативните посети.

Крстарење по Босфор

Предвидено е едночасовно крстарење по Босфор.

Можност да го видите Истанбул од поинаква перспектива – луксузни вили, Босфорскиот мост и бројни знаменитости долж брегот.

За време на крстарењето локалниот водич ќе ја претстави историјата на најзначајните локации.

Крстарењето започнува од европската страна, а бродот пристигнува на азискиот дел на Истанбул.

Балат

Следува посета на Балат, една од познатите христијански населби во Истанбул.

Во овој дел се наоѓаат голем број цркви, меѓу кои и Железната црква, како и Христијанската патријаршија, каде влегувањето е индивидуално.

По посетата следува околу час и половина слободно време за прошетка по препознатливите шарени улички.

Можност за турско кафе варено на песок и индивидуални фотографии.

Таксим и Истиклал

Турата продолжува кон плоштадот Таксим, еден од главните центри на градот.

Покрај Таксим се наоѓа познатата улица Истиклал, по која се движи историскиот трамвај.

Улицата е позната по бројните кафулиња, ресторани, продавници и места за забава.

Слободно време за индивидуални активности.

Ноќевање.

Појадок во хотел.

Одјавување околу 10:00 часот.

KOSKA

Следува посета на познатата продавница за традиционални слатки KOSKA.

Можност за купување локум, баклава, чоколадирани ф'стаци, лешници, бадеми и други традиционални турски производи.

Outlet 212

Од KOSKA се упатуваме на шопинг во Outlet 212.

Во трговскиот центар се предвидени околу 2,5 до 3 часа слободно време за шопинг.

По завршувањето следува поаѓање кон Македонија.

Предвидено пристигнување во Скопје после полноќ.